منتديات لفتة


 
الرئيسيةالبوابةاليوميةس .و .جبحـثالأعضاءالتسجيلدخول

شاطر | 
 

 نكات بالباكيت اللي يموت من الضحك انا مش مسؤال (اوكية)

اذهب الى الأسفل 
كاتب الموضوعرسالة
al-zaeem
صأحب منتديأت لفتة
avatar

الانتساب : 30/01/2010
عدد المساهمات : 376
ثمار : 1200
التقيم : 4
البلد: : سأكن في منتديأت لفتة
العمل/الترفيه : المنتدى
المزاج : تحت خدمتكم
الأوسمة: :


مُساهمةموضوع: نكات بالباكيت اللي يموت من الضحك انا مش مسؤال (اوكية)   الإثنين فبراير 01, 2010 3:49 am

غبي يشتغل صباغ احذيه اباب معسكر مرة اجاه الامر كله اصبغلي الحذاء المهم هو و ديصبغ الحذاء الامر كله اي شكو ماكو شلون الشغل رد عليه الغبي والله سيدي كلهة نعل بس انت قندرة .


محشش كامش الدجاجه ويضرب بيها ويگول: يا بنت الكلب كل يوم بيض!! ماكو فد يوم جبن؟..
گيمر؟



مره محشش كاعد وياالجمهور بفد مباراة.الجمهور متحمسين وديشجعون ويكولون:هيه هيه هسا يجي الاول جاب الفريق الهدف الاول وبعدين كامو يكولون هيه هيه هسا يجي الثاني وهم جابو الثاني فكام المحشش كللهم:اخوان الشايف المباراة لايحجي رجاءا


عصبي راح ديصارح ابنيه اجه لزمها من ايدها وكلها تعاي لج واخذها على صفحه كلها باعي اني اول مشفتج انعجبت بيج واذا مجنتي عميه فأكيد لاحضتي واذا مو ثوله فأكيد انتبهتي واذا عندج ذرة احساس اكيد حسيتي,سمعتي مو تكليلي اني ممفكره بلموضوع انجبي هسه فكري بيه خل هاذا دماغج المحجر يشتغل موتكليلي اني ما افكر بيك بهيج طريقه شنو معاجبج مو بعينج اسوه راسج تره مو عبالج


محشش اشترة بنكة سقفية يومين وعطلت كال طبعا تعطل اذا 30 واحد نايم جواها خخخخخخ


محشش بلع الدوة كبل خمس دقايق من موعدة؟حتى يفاجئ الجراثيم


كان جلال الطالباني يتكلم في لقاء صحفي عن المقابر الجماعية التى كانت في العراق في
وعند ذلك سئله احد الصحفين يا سيادة الرئيس لماذا لا تعمل رجيم وتنقص من وزنك وحجم البطن عنك كبير جدا فاجاب جلال الطالباني هذه مقبرة جماعية للديك الرومي ( الفسيفس) العراقي واشار الى بطنه ..... لانه يحب لحوم الديك الرومي جدا ...


احول واثول دا يلعبون شطرنج الملك مات من القهر هههههههههههه


محشش خابر على وزارة الدفاع شالوا التليفون كالوا الدفاع اتفضلوا كلهم انطوني الكولجي


فد يوم محشش اشترى عصفور ---- شافة يوصوص ---- خلاله دهن


اكو فد شاب اخذ سيم وراح وكف براس الشارع كال شوفو شاب وسيم

واحد شاف سيارة ام خمسة كيورة فراح اشترة مثلها و سئل ابو السيارة هذا الكير الخامس شيسوي كال لمن تريد تطير خلي علخامس كال زين ديشي بالشارع اللي اشترة السيارة شاف ازدحام كال اجة وكت يالكير الخامس

نكتة طبت للسجن ليش موتت واحد من الضحك



فد يوم سوداني اتخربط ووكع اجمي الناس وهفوله جممر


اكو واحد كردي اجو مسلحين رافعين عليه اسلاح كلوله انت سني لو شيعي هااااا هو من الخوفه كللهم اني شني كلوله لعد احنه سيعه اكتلووو..... ههههههههه



بخلا ديسوون دعاية ببسي.. واحد يشرب والثاتي يگلله: بقيلي شويه ... بقيلي شويه

مرة سألو مام جلال كلولة المن تشجع بكأس العالم كللهم البرازيل كلولة ليش؟؟كال لانه ابني كاكا يلعب وياهم


اكوواحد اعجوزي بالامتحان وكع قلمه كله تعال ولك مااجاه ذب الثاني كله روح جيب اخوك وتعال هههههههههههههه هع


فديوم واحديمشي بلطريق صدفه شاف له وحده حلوه كال اليوم اريد اصجم هاي الحلوه وهومبدل وصل يمه شكالت اروح فدو لهلحزام ابوالصينيه صفن باوع عليه اشكال اروح فدوه للنعال ابوالورده


فد واحد محشش طب لابو محل ورة شوية طلع يضحك سالو جماعتة ليش تضحك كال نصبت على ابو المحل انطيتة فلوس ومشتريت شي


مخبل دينهزم من مستشفى المجانين لحكوا الحراس صعد على شجره..التموا عليه الاطباء يمعود انزل ..ما ينزل..زين لعد انزل ..هم ما ينزل..اجه مدير المستشفى شايل منشار كهربائي كله انزل لا اكص الشجره...و هم ما نزل واحد طبيب حشاش يفتهم كال هذا ما يعرف يتعامل وياه بس المخبل..جابوله مخبل شايل موس كله انزل لا اكص الشجره...راسا نزل لزمه المدير كله شنو قصتك منشار كهربائي ما خوفك..تخاف من موس!!! كال لا حبيبي انت عاقل ما تسويهه بس ذاك مخبل كلشي يسوي


سكران شاف بالحلم يمشي بين الاشواك وهو حافي القدمين ... ثاني ليلة قبل ان يذهب الى الفراش للنوم لبس الحذاء ونام ....


محشش طالع طريق خارجي شاف 4 جثث بالشارع قال : ما شاء الله الدنيا أمان والناس نايمة بالشارع



حشاش يگول: أحسن خمس أشياء بالدنيه تلاثه.. الچاي والگهوه


سأل ابو الفنية للطالب المحشش: صار لك ساعة ترسم خلصت ؟؟؟ الطالب:أي أستاذ رسمت لوحة بيها بقرة واكفة على الحشيش طبعا الورقة فارغة....... لك وين الحشيش ؟؟ الطالب : اكلته البقرة ! زين و ين البقرة ؟؟؟ راحت



محشش انقذ واحد غرقان ، انطوه وسام شجاعة وقالوله بس للاسف الرجل انتحر شنقا ، رد المحشش : لا انا علقتة علمود ينشف .


نعجه صاحت مييييع سمعهه طلي ?ال: اروح فدوه لهل صوت .

مطفي شاف وحده حلوه راكبه بالتاتا... نزل اخذ الرقم.

واحد مستعجل طلبوا منه تحليل بول وغائط ?اللهم: ماعندي وقت، هاكم هذا لباسي كلشي بيه.

واحد خبيث أبوه مانطاه عيديه ... كتب عالباب: يعيش الزرقاوي.

اثول يشتغل بالتنقيب عن الآثار... ديحفر طلعتله طابوگه جمهوري... ركض للمدير يصيح: إستاد.. لگيت الدوشيش مال حمورابي؟

واحد محشش راح لابو صيدلية كلة عندك شريط فلو اوت كلة اي كله حطة خلي نسمعة

فطير إشتره سيارة كير أوتوماتيك كص رجله اليسار وكال: هذي بعد ما أحتاجها

محشش ذبح شرطي و اتصل على 130و كالهم حبيت اكوللکم صرتوا129

خبر عاجل .. الرئيس الامريكي جورج بوش يطالب بجدول زمني لانسحاب الشعب العراقي من العراق

ابليس هرب من العراق سئلو ليش : كال علمتهم عالغش والحواسم واشترو بيوت تالي يكتبون عليها هذا من فضل ربي

عراقي وياباني وامريكي ديمشون سويه الامريكي خله ايده على اذنه وكام يحجي العراقي كله شبيك تخبلت كاله لا بس سولنه تقنيه زرعو تلفونات بيدينا وره شويه الياباني كام يحجي كاله لعراقي لك شبيك صخنت كاله لا احنه عدنه التقنيه الخلوي مزروع باذنه العراقي كام يحوص شسوي شسوي جان يشوف ورقه اكلها كالوله لك شدتسوي كاللهم والله دا ادز فاكس لاهلي

واحد ديعزي ناس: شلون مات المرحوم؟؟... كالوله: بحادث سيارة... كاللهم: شنو...اثول؟؟ ما يشوف؟؟ طيح الله حظهَََ!!!.

اكو واحد تزوج نانسي عجرم ورة مدة راح الى امام جامع كلة أريد تطلكني من عده لان لاتتصلي ولا تصوم كلة امام الجامع كلة رمضان يروح ويرجع بس هذي اذا تروح بعد مترجع

تعلن شركه السبلتات العامه عن وصول بضاعه جديده مهفات 46 حصان تحت (شعار هفي بيدك محد يفيدك )

عشرة محششين ديتشاقون بالرشاشات خمسه ماتو و3 تصوبو بقو ثنين كالو خل نبطل لتصير صدق

بخيل ذبح خروف سوا اللحم كباب والارجل باجة والجلد سجادة والامعاء سماد والعظام طحنها علف للدجاج وحتى صوت الخروف خلاه نغمة للموبايل

اكو واحد يمشي بجنازة زوجتة وهو يضحك سالوا ليش تضحك ؟ جاوبهم اول مرة بحياتي اعرف زوجتي وين رايحة

واحد راح يحج ..... شاف الناس تشمر حجار كّال : ايبااااااااااه !!!!!! لهنا وصلت اسرائيل

واحد تعين بالامن السري مال الكعبة ... شاف واحد يطوف كّاله: شعندك تفتر هنا؟


سوداني ينظف المسجد قال له االامام: بيض الله وجهك قال السوداني: ماكو امل

عراقي يكول :
فكرت اشتري موبايل فد يوم فكلت شاشتري اذا اشتري همر يفجروني واذا طابوقة يفشخوني واذا اباتجي يوقعوني واذا دمعة يبجوني و اذا فراشة يطير مني واذا اياد علاوي يغتالوني واذا اشتري خط موبايل يبوكوني فاحسن لا ادوخ راسي وافكر

اثول ديشتغل بمعرض السيارات كلوله منو اول واحد ركب بطه كال نيلز

مره واحد يحاكمة القاضي كَلله ليش كتلت الرجال بالسجين كَلله والله ظروفي صعبة متساعدني اشتري مسدس

ألمعجزات السبعة هي: 1- بيت مابيه عركة 2- أستمرار ألكهرباء ساعتين 3- ماي يصعد بدون ماطور4- شارع مابيه طسة 5- مجاري أمقبغة 6- عرس بدون طلقات 7- يوم مابيه أنفجارت

فار سكران گال كل البزازين جوة قندرتي , اندار شاف هر اسود گال بس ابو سمرة على راسي

واحد اشترى بي ام بمواصفات خاصة، فيها الكمبيوتر يصلح كل شي من دون ما يروح الوكالة! حب الدليمي يجربها فدعم بالباب اللي عاليمين، فرد الكمبيوتر: يا أيها الباب ارجع كما كنت، فرد ودعم بالباب اللي عاليسار، فرد الكمبيوتر يا أيها الباب ارجع كما كنت! عجبته السالفة قام جربها وطار من فوق الجسر!! فرد الكمبيوتر: يا أيتها النفس المطمئنة ارجعي إلى ربك راضية مرضية

فد يوم واحد خابر مرتة گلها احميلي المي .صاحبة گلله عمي لو هيچ الزلم لو ما تنراد . جاوبة گللة لعد شعبالك قابل اغسل مواعين بمي بارد

محششة ضايجة جارتها كالت هاي ليش ضايجة المحششة كالت دزيت ابو الجهال للسوق يجيبلي فاصوليا دعمته سيارة ومات جارتها كالت و شراح تسوين كالت اسوي باميا وامري لله

محشش ابنه سأله : بابا صحيح الحمار يتزوج كَلله : اصلاً ميتزوج إلا الحمار

سكران معزوم بعيد ميلاد من خلصت الحفله گللهم: ياجماعه عود باجر عيد الميلاد عليّه

محشش كاعد عالشط شاف واحد يغرق كلما يرفع ايده يكول له وعليك السلام

واحد كلتله امة روح جيب الاوتي مال جيرانة
نزل اول درجة كال اهو هسة تكلي ديربالك عليه
نزل ثاني درجة كال اهو و هسة تكلي ديربالك ليحترك
نزل اخر درجة كال اهو هسة تكلي رجعة بسرعة
وصل لبيت جيرانهم دك الباب طلعت المرية جان يكللها باعي خرة بيج انتي و الاوتي مالتج اشبعي بي


* واحد خبيث عينوه مدير شرطه غير رقم النجده من 111ظ إلى 8.0700276380567930099758517376671e+63

* اثول گللوله: شنو رأيك بالدوندرمه؟ گلهم: والله طيبه بس الگلاص شويه يسوي عندي جالي.

* فد واحد فطير ديمشي عالجسر ويگول: أيباه غير بالكونه ضخمه!!


* واحد خبيث يسبح بالشط ويندعي: يا إلاهي لاتفطسني لخاطر المره والفريخات..صديقه سمعه كال له: لك يامره يافريخات؟جا إنته يمته متزوّج.. الخبيث غمزله وعض له شفـّه.


* سكران يم صاحبته دك عليه الموبايل ..طلعت مرته. .كال عجيـــب شمدريهه أني هنا؟


حشش يسأل صاحبة :تعرف بتهوفن ؟كالة :ليش أنا اعرف هوفن علمود اعرف بنتة


حكمة اليوم : اذا كان بيتك من زجاج فعلى الاقل خلي بردة للتواليت


قلت: سأكتب حبكي قصيدة و القيهة وقت الغروب ......... قالت : حبيبي خلي يولن هي مال دروب


محششة ضايجة جارتها كالت هاي ليش ضايجة المحششة كالت دزيت ابو الجهال للسوق يجيبلي فاصوليا دعمته سيارة ومات جارتها كالت و شراح تسوين ؟؟ كالت اسوي باميا وامري لله








المصدر: منتديات الزعماء
الرجوع الى أعلى الصفحة اذهب الى الأسفل
http://lafth.yoo7.com
 
نكات بالباكيت اللي يموت من الضحك انا مش مسؤال (اوكية)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات لفتة :: الأقسام العامة :: النكت والتحشيش-
انتقل الى: